16 Dae van Aktivisme. Geweld teen Vroue en Kinders

16 Dae van Aktivisme. Geweld teen Vroue en Kinders

Ons ken baie stukkende mense-mishandeling ken geen grense

Ryk of arm spring dit nie vry – baie gesinne moet daar onder ly

Gemeenskap slaan ag op verdagte geluide –

En moet nie stilbly soos stom kluite

Ondersteun ons vroue en kinders emosioneel

Sodat ons kan help om hul seer te heel.

Ons ken baie gebroke vroue – wat huil in hul moue

Moet nooit dat `n man jou lewe oorheers – want jy word ontneem van jou eie mens wees

Jou selfvertroue kry `n knou – en laat jou met `n diepte berou

Is jou man jaloers? – laat hom kies sy eie koers

Anders begin hy baklei – en kan nie meer die familie lei nie

Drink hy alkohol en bier? – gaan geweld beslis seëvier

Dan word vroue en kinders verkrag – deur die mans se mag

Die jeug is ongeskonde – maar deur verkragtings voel hul gebonde

Mans moenie maak, ons kinders seer – want hulle is nog so teer

Hulle is nog so klein - met hartjie rein

Fisiese mishandeling word nie geduld - `n probleem is nie die vrou se skuld

Ekonomiese behandeling is baie wreed –

Dan kan die familie nie ordentlik eet

Emosionele mishandeling is ook `n probleem –

want dit kan ons vroue hulselfvertroue ontneem

Vroue en kinders word seksueel molesteer

En dit ontneem hul selfrespek en eer

Stop om ons vroue en kinders te mishandel

Mans, leer net om die regte pad te bewandel

Geskryf deur Elizabeth Riddles.

"I NEED A HERO" VELDTOG

“I NEED A HERO” VELDTOG

Op Dinsdag  25 November sal die   16 Dae van  Aktivisme veldtog afskop en aanhou tot Woensdag 10 Desember. Die veldtog wat reeds sedert 1991 geloods is, skep `n bewusmaking van die geweld teen vroue en kinders. 50% van die 45 230 misdade wat teen kinders gepleeg is was die helfte daarvan seksueel van aard. `n Gemiddeld van 62 sake per dag wat aangemeld word.

Die vraag word gevra wat veroorsaak  geweld? Verskeie navorsingstukke en studies toon aan armoede, alkol misbruik, gebruik van dwelms, familie konflik, sosiale konflik en nog meer is van die faktore wat lei tot geweld. Een faktor wat soos `n paal bokant die water uitstaan is dat kinders wat blootgestel word aan geweld veral in die geval waar die kind aanskou dat die moeder aangerand word deur die vader lei dit tot die meeste gevalle dat die kind self wanneer die groot is self ook `n oortreder word van geweld en seksuele aanrading of die slagoffer word deur met `n geweldenaar in die huwelik te tree of `n promisku lewe te leef.

Hoe word hierdie sirkel gebreek en voorkom dat daar nie nog `n geslag kinders blootgestel is aan geweld nie. Die antwoord lê in `n verandering van denke. `n Nuwe denkwyse en denkrigting moet aangeleer word. Geweld is `n aangeleerde gedrag en daarom met die verandering van denkrigting kan nuwe gedragspatroon aangeleer word.

Om hierdie sirkel te breek moet elkeen: besigheid, regering, godsdienstige en tradisionele leiers, gemeenskappe, kinders, media die verantwoordelikheid neem om nee te sê teen geweld.

BeautifullWomen in samewerking met Albertinia se Raadslid Charles Prins onderneem `n bewusmakingsveldtog “I NEED A HERO” om die aandag te vestig op geweld  vanaf 1 Desember tot 6 Desember.

Rdl. Prins gaan vanaf die Westekante grens van Hessequa stap tot by Gouritsmond. Rdl. Prins beoog om ongeveer 40 km elke dag te stap. By elke dorp waar hy gaan stop gaan hy die mans toespreek.

Ons elkeen benodig `n Hero in ons lewe hetsy of dit manlik of vroulik is. Daardie een persoon wat vir ons die pad kan aandui nie net deur te praat nie maar om werklik te kan leef.